ജാമിഉല്‍ഖുര്‍ആന്‍
വിശുദ്ധ ഖുർആൻ ക്രോഡീകരണം:
മൂന്നാം ഘട്ടം
സാഹചര്യം
സയ്യിദുനാ ഉസ്മാൻ(റ)
സയ്യിദുനാ ഹുദൈഫ (റ)
അര്‍മീനിയ, അസര്‍ബൈജാന്‍ എന്നീ രാജ്യക്കാരോടുള്ള യുദ്ധം
ഉസ്മാന്‍ (റ) അര്‍മീനിയയിലേക്ക് ഒരു സൈന്യത്തെ അയച്ചിരുന്നു.യുദ്ധവേളയില്‍ സിറിയക്കാരും ഇറാഖുകാരും സന്ധിക്കാനിടയായി. സൈനികര്‍ വഴിയിൽ ഇറാഖിൽ ഒരിടത്ത്‌ വെച്ച് ഇമാമും മഅ്മൂമുകളുമായി നിസ്‌ക്കരിക്കാൻ നിന്നു. നമസ്‌കാരത്തില്‍ ഇമാം ചില സൂക്തങ്ങള്‍ പാരായണം ചെയ്ത രീതിയെക്കുറിച്ച് പിന്തുടര്‍ന്ന് നമസ്‌കരിച്ചവരില്‍ ചിലര്‍ തര്‍ക്കിച്ചു. ഇമാം ഓതിയ രീതിയിലല്ല ആ ആയത്തുകള്‍ ഓതേണ്ടതെന്ന് അവര്‍ വാദിച്ചു. ഇറാഖിലുണ്ടായിരുന്ന പ്രവാചകാനുയായികളില്‍ ഒരാളായ ഇന്നയിന്നയാള്‍ തന്നെ ഇങ്ങനെയല്ല ആ ആയത്തുകള്‍ ഓതാന്‍ പഠിപ്പിച്ചതെന്ന് ഒരാള്‍ പറഞ്ഞപ്പോള്‍, സിറിയയിലുണ്ടായിരുന്ന തന്റെ ഗുരുവും സ്വഹാബി തന്നെയാണെന്നും അദ്ദേഹം പഠിപ്പിച്ചത് അങ്ങനെയല്ലെന്നും മറ്റൊരാളും ശഠിച്ചു. ഓരോരുത്തരും അവരവരുടെ വാദങ്ങളില്‍ ഉറച്ചുനിന്നു.
പാരായണ ശൈലിയിലെ വ്യത്യാസങ്ങള്‍ അവര്‍ക്കിടയില്‍ ആശയയുദ്ധത്തിന് കാരണമായി.
ജൂതക്രൈസ്തവ വിഭാഗങ്ങള്‍ വേദഗ്രന്ഥത്തില്‍ ഭിന്നിച്ചത്‌പോലെ നമ്മുടെ സമൂഹം ഭിന്നിക്കാതിരിക്കാന്‍ താങ്കള്‍ അടിയന്തിരമായി ഇടപെടണമെന്ന് അദ്ദേഹം ഉസ്മാന്‍(റ) നോട്
ക്രോഡീകരണ സംഘം:
സൈദ്(റ) ന്റെ നേതൃത്വത്തിലുള്ള ഒരു സംഘത്തെ പ്രസ്തുത മുസ്ഹഫ് പകര്‍ത്താന്‍ ഏല്‍പിച്ചു.
عبد الله بن الزبير، سعيد بن العاص،عبد الرحمان بن الحارث رضي الله عنهم
അബ്ദുല്ലാഹിബ്നു സുബൈര്‍(റ), സഈദുബ്‌നുല്‍ ആസ്വ്(റ) അബ്ദുര്‍റഹ്മാനുബ്‌നു ഹാരിസ്(റ) എന്നിവരായിരുന്നു അംഗങ്ങള്‍. അബ്ദുല്ലാഹിബ്നു അംറ്ബ്‌നുല്‍ ആസ്വ്(റ) , അബ്ദുല്ലാഹിബ്നു അബ്ബാസ്(റ) നെയും പന്ത്രണ്ട് സ്വഹാബികളെ അവര്‍ക്ക് സഹായത്തിനായി നിശ്ചയിച്ചിരുന്നു.
സഈദുബ്‌നുല്‍ ആസ്വ്(റ) വായിച്ചു കൊടുത്തത് പ്രകാരം സൈദ്(റ) പകര്‍ത്തി എഴുതി.
ഇവർ എട്ട് മുസ്‌ഹഫുകൾ പകർത്തി എഴുതിയിട്ടുണ്ട്.
സൂക്ഷ്മ പരിശോധന
പകര്‍പ്പുകള്‍ ഉസ്മാന്‍(റ) പരിശോധിച്ച് ഉറപ്പുവരുത്തി.
പകർപ്പുകൾ തയ്യാറായ ശേഷം അവ മൂന്ന് പ്രാവശ്യം ആവർത്തിച്ച് പരിശോധിക്കുകയും ചെയ്തു.
ഇവയുടെ ആധികാരികത ഒന്നുകൂടി ഉറപ്പ് വരുത്താന്‍ ഈ പകര്‍പ്പുകളില്‍ ഓരോന്നും ആദ്യം മുതല്‍ അവസാനം വരെ മദീനയിലെ മസ്‌ജിദു ന്നവബിയിൽ വെച്ച് ഉച്ചത്തില്‍ പാരായണം ചെയ്യാന്‍ ഉസ്മാന്‍ (റ) ഏര്‍പ്പാട് ചെയ്തു. പകര്‍പ്പെടുക്കുന്ന സന്ദര്‍ഭത്തില്‍ താന്‍ വിശുദ്ധ ഖുര്‍ആനില്‍ ഒന്നും കൂട്ടുകയോ കുറക്കുകയോ ചെയ്തിട്ടില്ലെന്ന് മുസ്ലിം സമൂഹത്തെ ബോധ്യപ്പെടുത്താന്‍ കൂടിയായിരുന്നു ഇത്.
പന്ത്രണ്ടായിരത്തോളം സഹാബത്തിന്റെ സാന്നിദ്ധ്യത്തിൽ ഖുർ‌ആനിന്റെ സമ്പൂർണ്ണ രൂപം ഇതായി പ്രഖ്യാപിക്കുകയും, ഇതനുസരിച്ച് മാത്രമേ ഇനി ഖുർആൻ പാരായണം ചെയ്യാവൂ എന്ന് വിളംബരം ചെയ്യുകയും ചെയ്തു.
കോപ്പികളുടെ വിതരണം:
ഇങ്ങനെ തയാറാക്കിയ പ്രതികള്‍ തന്റെ വിശാലമായ രാഷ്ട്രത്തിന്റെ വിവിധ പ്രവിശ്യാ തലസ്ഥാനങ്ങളിലേക്ക്
ഈജിപ്ത്, ബസറ, കൂഫ, മക്ക, സിറിയ, യമന്‍, ബഹ്റൈന്‍ തുടങ്ങിയ നാടുകളിലേക്ക് അയച്ചുകൊടുത്തു.
ഒപ്പം ഒരു ആജ്ഞയും. ഇനിയാരെങ്കിലും ഖുര്‍ആന്റെ കോപ്പി എടുക്കുന്നുണ്ടെങ്കില്‍ അത് താന്‍ അയച്ചുതരുന്ന പകര്‍പ്പില്‍ നിന്നേ എടുക്കാവൂ. ഈ ഔദ്യോഗിക ഖുര്‍ആന്‍ പതിപ്പില്‍ നിന്ന് എന്തെങ്കിലും വ്യത്യാസമുള്ള കോപ്പികള്‍ ആരെങ്കിലും സ്വകാര്യമായി സൂക്ഷിക്കുന്നുണ്ടെങ്കില്‍ അവയൊക്കെയും നശിപ്പിക്കപ്പെടണം. വ്യക്തികള്‍ സൂക്ഷിച്ചിരുന്ന എല്ലാ ഏടുകളും കത്തിച്ചുകളയാന്‍ ഖലീഫ ഉത്തരവ് നല്‍കി. ഈ ആധികാരിക കോപ്പികള്‍ പ്രകാരം മാത്രമേ ഖുര്‍ആന്‍ പാരായണം പാടുള്ളുവെന്നും കല്‍പന നല്‍കി.
പകര്‍ത്തിയെഴുതിയവയില്‍ ഒരു കോപ്പി ഉസ്മാന്‍(റ) സൂക്ഷിച്ചു. ആ കോപ്പി അൽ മുസ്ഹഫുല്‍ ഇമാം എന്ന പേരില്‍ അറിയപ്പെടുകയുണ്ടായി.
തിരിച്ചു നല്‍കാമെന്ന വ്യവസ്ഥയിലാണ് ഹഫ്സ(റ)യില്‍ നിന്ന് മുസ്ഹഫ് വാങ്ങിയതെന്നതിനാല്‍ അത് അവരെ തിരിച്ചേല്‍പിച്ചു. മറ്റുള്ളവയെല്ലാം കരിച്ചു കളയുകയും ചെയ്തു.
ഖാരിഉകളുടെ യാത്ര:
ഓരോ ദേശങ്ങളിലേക്കും മുസ്ഹഫുകള്‍ കൊടുത്തയച്ചപോലെ ഖുര്‍ആന്‍ പഠിപ്പിക്കാന്‍ ഓരോ സ്വഹാബികളെയും നിയോഗിച്ചിരുന്നു. മദീനയില്‍ സൈദുബ്‌നു സാബിത് (റ)നെയും മക്കയിലേക്ക് അബ്ദുല്ലാഹിബ്‌നുസ്സാഇബ്(റ)നെയുമാണ് നിയോഗിച്ചത്. മുഗീറ(റ) അബൂഅബ്ദിറഹ്മാനുസ്സുലമി(റ), ആമിറുബ്‌നു അബ്ദില്‍ ഖൈസ്(റ) എന്നിവരെ യഥാക്രമം മക്ക, കൂഫ,ബസ്വറ എന്നിവടങ്ങളിലെ മുസ്ഹഫുകള്‍ക്കൊപ്പം നിയോഗിക്കപ്പെട്ടവരാണ്. ബഹറൈന്‍, യമന്‍ എന്നിവടങ്ങളിലേക്ക് ആരെയാണ് പറഞ്ഞയച്ചതെന്ന് ചരിത്രത്തില്‍ വ്യക്തമല്ല.
എഴുത്തിലെ സൂക്ഷ്മത:
ഒന്നിലധികം ശൈലികളില്‍ ഓതാവുന്ന പല വാക്കുകളും ഖുര്‍ആനിലുണ്ട്. ഒരേ എഴുത്തില്‍ തന്നെ അവ ഉള്‍കൊള്ളണമെന്നതിനാല്‍ അകാര-ഉകാരാദികളും ശദ്ദ്,മദ്ദ്, ഹംസ എന്നിവകളും ഇല്ലാതെയാണ് മുസ്ഹഫുല്‍ ഇമാം തയ്യാറാക്കപ്പെട്ടത്.
ഉച്ചാരണത്തിൽ രണ്ട്‌ തരം ഉച്ചാരണ രീതി അവലംബിച്ചിരുന്ന സ്ഥലത്ത്‌, മക്കയിലെ ഉച്ചാരണ രീതിയനുസരിച്ചായിരിക്കണം ഖുര്‍ആന്‍ പാരായണം ചെയ്യേണ്ടതെന്ന് ഉസ്മാൻ (റ) വ്യവസ്ഥ വെച്ചു.
നമ്മുടെ കൈകളിലിരിക്കുന്ന ഖുര്‍ആന്‍ കോപ്പികള്‍ ഹിജ്റ ഒന്നാം നൂറ്റാണ്ടില്‍ ഉസ്മാന്‍ (റ) തന്റെ വിവിധ പ്രവിശ്യാ തലസ്ഥാനങ്ങളിലേക്കയച്ച കൈയെഴുത്ത് പ്രതികളുടെ തനി പകര്‍പ്പുകളാണെന്ന് ഉറപ്പിച്ച് പറയാനാകും.
മ്യൂസിയങ്ങളിൽ:
ഉസ്മാൻ (റ) ന്റെ ഭരണകാലത്ത് തയാറാക്കിയ ആ കോപ്പികളില്‍ ചിലത് ഇപ്പോഴും നിലനില്‍ക്കുന്നുണ്ട്. അതിലൊന്നുള്ളത് താഷ്‌കന്റ് മ്യൂസിയത്തിലാണ്.
വേറൊരെണ്ണം കാബൂളിലും ഒരെണ്ണം കെയ്‌റോ യിലും ഉണ്ട്‌ എന്ന് പറയപ്പെടുന്നു. ഇസ്തംബൂളിലെ 'തോപ്‌ കാപ്പി' മ്യൂസിയത്തിലാണ് വേറൊന്ന് സൂക്ഷിച്ചിട്ടുള്ളത്. അത് ഉസ്മാന്‍(റ) ഉപയോഗിച്ച പകര്‍പ്പാണ് എന്നാണ് പറയപ്പെടുന്നത്. അല്‍ബഖറ അധ്യായത്തിലെ 'ഫസയകഫീകഹുമുല്ലാഹു...' എന്ന ആയത്തിന്ന് മുകളില്‍ ഒരു ചുവന്ന പാട് ഉണ്ടെന്ന് പറയപ്പെടുന്നു. ഖുര്‍ആന്‍ ഓതിക്കൊണ്ടിരിക്കെയായിരുന്നല്ലോ ഉസ്മാന്‍ (റ) വധിക്കപ്പെട്ടത്. അപ്പോള്‍ തെറിച്ച രക്തതുള്ളിയാണ് അത് എന്നാണ് പറയപ്പെടുന്നത്.
ذكر ابن بطوطة أنه رأى في مسجد علي بن أبي طالب في البصرة المصحف الذي كان عثمان يقرأ فيه لما قتل، وأثر تغيير الدم في الورقة التي فيها قوله تعالى: (فَسَيَكْفِيكَهُمْ اللَّهُ وَهُوَ السَّمِيعُ الْعَلِيمُ)،[51]
رحلة ابن بطوطة الجزء 1 صفحة 116
അബൂബക്ര്‍(റ) വാണ് ആദ്യം ഖുര്‍ആന്‍ ക്രോഢീകരിച്ചതെങ്കിലും ജാമിഉല്‍ഖുര്‍ആന്‍ എന്ന പേരില്‍ അറിയപ്പെടുന്നത് ഉസ്മാന്‍(റ) ആണ്. കാരണം അബൂബക്ര്‍(റ) ഖുര്‍ആന്‍ ക്രോഢീകരിച്ചത് ജനങ്ങള്‍ക്ക് ഓതാന്‍ വേണ്ടിയായിരുന്നില്ല. ഖുര്‍ആനില്‍നിന്ന് ഒരക്ഷരംപോലും നഷ്ടപ്പെടാതിരിക്കാനും പ്രശ്‌നഘട്ടങ്ങളില്‍ അവലംബിക്കാനുമായിരുന്നു. ക്രോഢീകരണത്തിന്റെ കാരണം ഹാഫിളുകളുടെ മരണമായിരുന്നു.
പാരായണ ശൈലിയില്‍ ജനങ്ങളുടെ ഭിന്നത രൂക്ഷമായപ്പോള്‍ ഒരു ക്രോഢീകരണം വഴി അവര്‍ക്കിടയിലെ അനൈക്യം തീര്‍ക്കുകയായിരുന്നു ഉസ്മാന്‍ (റ). അതുകൊണ്ടാണ് അദ്ദേഹത്തെ ജാമിഉല്‍ ഖുര്‍ആന്‍ എന്ന് വിളിച്ചത്.
كان باعث لدى أبي بكر لجمع القرآن هو الخوف عليه من الضياع بموت حفاظه بعد أن استحرّ القتل بالقراء. أما عثمان فدافعه هو كثرة الاختلاف في وجوه القراءة.
മര്‍വാന്റെ കാലത്താണ് അബൂബക്ര്‍(റ) കാലത്ത് തയ്യാറാക്കപ്പെട്ട മുസ്ഹഫ് നശിപ്പിക്കപ്പെട്ടത്. റസ്മ് ഉസ്മാനി മാത്രമേ ശേഷിക്കാവൂ എന്ന സദുദ്ദേശ്യപരമായിരുന്നു അതിനുപിന്നില്‍.
قال زيد: رأيت أصحاب محمد صلّى الله عليه وسلّم يقولون: أحسن والله عثمان، أحسن والله عثمان
وقال الإمام علي: لو وليت ما ولي
عثمان لعملت بالمصاحف ما عمل
وقال أيضا: لو لم يصنعه هو لصنعته
Comments
Post a Comment